ProFtan es ün’organisaziun d’ütil public, chi s’ingascha per il bainstar da nos cumün. Cun ideas e progrets innovativs e perdüraivels lains nus preparar nos cumün per il futur. Per indiges e per il turissem lains nus s-chaffir structuras orientadas al futur. Mantgnair veglias tradiziuns ed introdüer innovaziuns.

ProFtan ha realisà fingià progets sco il «Lai da Padnal» o il «Trailcenter» chi cumbina ün indriz da temp liber in armonia cun la natüra. Oters progets sco il «Muglin da Tarasp» han gnü il böt da mantgnair e preschantar veglias mansteranzas. L’ingaschamaint da ProFtan es multifari ed adüna in collavuraziun cun experts per ün resultat final satisfacent per tuots.